PERBEKEL PENINJOAN NGERAUHIN OLEMAN PEMUNGKAH PASRAMAN ALIT-ALIT LAN SANE TIOSAN RING DA MANIKAJI

SID Jurnalisnya Desa

Peninjoan, Redite Paing Pahang (27/10/2024) Perbekel Peninjoan sane keangganin Sekretaris Desa Peninjoan ngerauhin uleman Desa Adat Manikaji sane ngemargiang parikrama Pamungkah Pasraman Alit-Alit, Pembinaan Seni Wali, Seni Bebali, Seni Tradisi, Pelatihan Sekaa Sebunan lan Pelatihan Pesantian, parikrama kabungkah olih Bendesa Alitan Majelis Desa Adat Kecamatan Tembuku kesarengin Manggala PHDI Kecamatan Tembuku, Babinsa, lan Bhabinkamtibmas. Punika taler Bendesa Desa Adat Manikaji kasarengin Prajuru Desa Adat Manikaji lan uleman sami minekadi Jero Putus, Jero Mangku Pura Puseh Penataran Bale Agung, Jero Mangku Pura Puseh, Jero Mangku Pura Dalem, Jero Mangku Prajapati miwah sane lianan, Sabha Desa, Kerta Desa, Kelian Banjar Adat Manikaji lan Puraja, Kelian Banjar Dinas Manikaji lan Puraja, Kelian Subak Abian Manikaji lan Puraja, Kelian Sekaa Gong Manik Suara Desa Adat Manikaji, Prajuru Pura Dalem Agung Tampuagan, Pecalang miwah uleman sane tiosan. Pamilet parikrama Pasraman Alit-Alit ngawitin saking kelas IV SD ngantos kelas IX SMP.

#Peninjoan_Gempita
#Bhumi_Bhakti_Tirtha_Mahottama